Жалал-Абад шаарында жана Сузак районунда жүргүзүлгөн “Кайырчы” жана “Кайрадан мектепке” аттуу рейд алкагында көчөлөрдө кайыр сурап жүргөн, документи жок 20дай лөлү кармалды. Алар сурак бергенден соң Ошко – өздөрүнүн жашаган жерине жөнөтүлдү. Бул тууралуу Сузак райондук ИИБ башчысынын орун басары Жылдызбек Үсөнов “Азаттыкка” билдирди.
Ош шаарынын четинде лөлүлөр жашаган Жаңы-Маале деген кыштак бар. Ал жерде 4000 чамалуу киши жашайт. Басымдуу бөлүгүндө эч кандай документ жок. Аялдар жана балдар тилемчилик кылып, эркектери жалданма жумуштар менен күн кечиришет. (RsK)