Президенттин маалымат катчысы Жанар Акаев парламенттик шайлоого байланыштуу кызматтан кетүү тууралуу арыз жазды. Белгилүү болгондой, ал социал-демократтар партиясы аркылуу 4-октябрда өтө турган шайлоого катышат. Талапкерлер тизмесинде ал 7-орунда.
Мамлекет башчынын пресс-секретары болуп Жанар Акаев быйыл февраль айында дайындалган. Ага чейин 7 жыл “Азаттык” радиосунда кабарчы, "Азаттык+”, кийин “Ыңгайсыз суроолор” телеберүүлөрүнүн алып баруучусу болуп иштеген.
Коомдогу көйгөйлөрдү ачык-айкын чагылдырып, сөз эркиндигинин өнүгүшүнө кошкон салымы үчүн Прогрессивдүү демилгелер фондунун “Акыл-Тирек”, Мелис Эшимканов атындагы фонддун “Курч калем” сыйлыктарын алган, бир нече жолу “Жылдын мыкты алып баруучусу” аталган. (RK)
