Үрөй учурган тасмалардын чебери, Голливуд режиссеру Уес Крэйвен Лос-Анжелестеги үйүндө кечээ 76 жаш курагында дүйнө салды. Режиссер акыркы жылдары мээ шишиги илдетинен жапа чегип жүргөн.
Америкалык режиссер 1984-жылы "Кара жыгачтар көчөсүндөгү азап" аттуу фильми менен таанылып, тасма тез эле дүйнөнүн көптөгөн өлкөлөрүнө тараган. 1996-жылы тартылган "Кыйкырык" тасмасы да ушундай эле ийгиликке жетишкен.
Ал чыгармачылыкка киришкенден тарта 30 чакты тасма тартып, эки китеп жазган. Уес Крейвен продюсерлик кылган "Сүрөттөгү кыз" аттуу тасма ушул сентябрда Торонтодогу эл аралык кинофестивалда көрсөтүлөрү белгиленген.
