Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 00:38

Роухани “Манас” авиабазасынын жабылышын кубаттады


Президент Алмазбек Атамбаев менен Ирандын лидери Хасан Роухани

Иран президенти Хасан Роухани Кыргызстандын көз карандысыз саясатын жана “Манас” жүк ташуучу борборунун жабылышын колдоого алды. Алмазбек Атамбаев менен сүйлөшүүлөрдүн соңунда журналисттерге маалымат берип жатып Роухани:

- Бүгүн Кыргызстан көз карандысыз саясатты алып барууда. Сиздер “Манас” авиабазасынын жабуу тууралуу маселелерде аягына чейин турдуңар. Бул биздин эл аралык жана аймактык маселелерде көз карашыбыз бирдей келгенинен кабар берет. Мындан ары терроризм менен күрөшүүдө бирге кызматташабыз”, – деди.

Өз кезегинде кыргыз президенти Ирандын ядролук программа боюнча “алтылык” менен жетишкен ийгиликтерин оң баалайбыз деп мында Ирандын ролу күчтүү болгонун белгиледи.

Бүгүн президент Алмазбек Атамбаевдин Иран мамлекетине расмий сапары уланууда. Мамлекет башчысы башында турган кыргыз делегациясынын курамында тышкы иштер министри Эрлан Абдылдаев, унаа жана байланыш министри Аргынбек Малабаев, энергетика министри Кубанычбек Турдубаев, экономика министри Олег Панкратов жана башкалар бар.

Алдыда Атамбаевдин Иран парламентинин төрагасы Али Ларижани, өлкөнүн руханий лидери Али Хаменеи менен жолугушуусу күтүлүүдө. (ZMa)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG