Борбордук шайлоо комиссиясы шайлоо алдында партиялар тууралуу макала жазарда же теле-радиобаян даярдоодо журналисттерди этият болууга чакырды. Мындай пикирин БШК төрага орунбасары Жаркын Бапанова “Азаттыкка” билдирди. Анын ырасташынча, журналисттер макала даярдоодо үгүт менен жөнөкөй маалымдоонун айырмасын так билиши керек.
Партия өкүлдөрү шайлоочулар менен жолугушууларды өткөргөн жерлердин (маданият үйү, стадион, мектеп ж.б.) сөзсүз ижара акысы төлөнүшү шарт. Акысы төлөнбөгөн жерде үгүт жыйынын өткөрүүгө жол берилбейт. (JM\SE)
