Коргоо министрлиги аскерге милдеттүүлөрдү электрондук каттоого алууну сунуштоодо. Бул тууралуу "Азаттыкка" министрликтин аскерге чакыруу башкармалыгынын башчысы Арстан Керималиев билдирди. Мекеме "Аскердик милдет" тууралуу мыйзамга сунуштаган өзгөртүүдө электрондук каттоого алуу менен катар аскерге чакырылгандарга идентификациялык номур берүү каралган.
Андан сырткары, ЖОЖдордогу аскер кафедраларын жоюу да сунушталды. Учурда Бишкектеги медакадемия менен ОшМУда ушундай кафедралар бар. Алардан башка окуу жайлардагы аскер кафедраларын жоюу тууралуу 2010-жылдын башында өкмөт токтом чыгарган. (JM)
