Кыргызстанда жарым жыл ичинде сырткы соода көлөмү 15% азайды. Бул тууралуу Улуттук статистика комитетинин кызматкери Чинара Турдубаева бүгүн Бишкекте маалымат жыйынында билдирди.
Анын айтымында, жыл башынан бери жалпы экспорттун азайышы алтындан башка кен байлыктарына, химиялык эмес азыктарга, жер-жемиш жана кийим-кечелерге байланыштуу. Буга карабай алтынды сыртка сатуунун көлөмү 2014-жылдын биринчи жарымына салыштырганда 49,2% өскөн.
Ички дүң продукция 8 ай ичинде 250 миллиард сомдон ашты, бул былтыркыга караганда 6,8% көп. (SE)