26-августта Ак-Төбө облустук соту Юсуповду терроризм жана экстремизмди ташбыйкаттаган (пропаганда) деп таап, 5 жылга түрмөгө кескен болчу. Ал WhatsApp тиркемесинде “Садага-оттун калканы” деген чат ачып, аны 50дөн ашык керектөөчү пайдаланган. Экспертиза тиркемеде жайгаштырылган видео жана аудио кайрылуулар “коомчулукту терроризмге үгүттөйт” деп бүтүм чыгарган. Юсупов сотто күнөөсүн мойнуна алган. Тиркеме соттун өкүмүнө жараша жок кылынды.
Мындай жүйө менен август айынын башында Ак-Төбө облусунун сегиз тургуну түрдүү мөөнөткө эркинен ажыратылган.