Ысык-Көл райондук прокуратурасы милициянын кыйноосуна кабылдык деген эки тургундун арызынын негизинде кылмыш иш козгоду. Бул тууралуу бүгүн Башкы прокуратурадан кабарлашты.
Маалыматка караганда, жарандык кийимчен 7 милиционер алардын үйүнө бастырып кирип барып сабаган. Андан соң райондук милиция бөлүмүнө алып барып, кай бир кылмыш ишти моюнга алдырууга мажмурлап, түшүнүк кат жаздырышкан.
Соттук-медициналык экспертиза эки жаран кыйноого кабылганын тастыктады.
Буга чейин шектүүгө кыйноо колдонгону үчүн Бишкекте бир милиционер алты жылга, Жалал-Абадда бир күч кызматкери 11 жылга кесилген. (SE)
