Жалал-Абад шаарындагы “Береке” дыйкан базарында бүгүн айыл чарба азык-түлүктөрүнүн эки күндүк жарманкеси ачылды. Андагы баалар базарга салыштырмалуу 20% арзан. Өкмөттүн облустагы өкүлчүлүгү уюштуруп жаткан иш чарада 50дөн ашуун дыйкан өндүргөн продукцияларын сатыкка чыгарды.
Жергиликтүү бийликтен кабарлашкандай, жакынкы учурда облустун бардык район-шаарларында ушундай жарманке өтөт. Буга чейин да райондордо 11 жерде талаа базарлары уюштурулган. (RsK)
