Мамлекеттик чек ара кызматынан “Азаттыкка” маалымдашкандай, 13-сентябрь күнү 122 мм. өлчөмдөгү эки жардыргыч зат Алайдын Макалуу-Дөбө аймагынан табылган. Аталган жер чек арачылар тарабынан курчоого алынып, тиешелүү кызматтарга маалымат берилди.
Ушул эле жерден 11-сентябрда да 122 мм. өлчөмүндөгү жардыргыч зат табылган болчу.
Макалуу-Дөбө Кыргызстан менен Тажикстандын чек арасына жакын жайгашкан. Алдын ала маалыматтар боюнча, жардыргыч заттар Баткен коогалаңы учурунда, 1999-2000-жылдардан калган болушу мүмкүн. (ZKo)
