Социл-демократтар партиясынын борбордук штабы "Азаттыкка" Чоң-Алайда мектепте штаб ачылбаганын билдирип, буга чейинки “Республика Ата-Журт” партиясынын лидери Камчыбек Ташиевдин билдирүүсүн четке какты.
Маалыматка караганда Чоң-Алайда алардын үч штабы бар. Штабдардын бири Дароот-Коргон айылындагы жеке дүкөндүн имаратында, экинчиси Кара-Мык айылындагы дүкөн имаратында, үчүнчүсү Кашка-Суу айылындагы жеке үйдө жайгашкан.
Кечээ 15-сентябрда өкмөт башчысы менен шайлоого бараткан партия лидерлеринин жолугушуусунда Камчыбек Ташиев Чоң-Алай районундагы Кызыл-Суу айылындагы орто мектепте Социал-демократтар партиясы штаб ачканын айтып, буга БШК тыйуу салышы керектигин билдирген.
БШК төрагасы Туйгунаалы Абдраимов мындай фактылар текшерилүүгө тийиштигин белгилеген.(AzK)
