Грузияда борбор шаар Тбилисинин мурдагы мэри Гиги Угулава кечээ, 18-сентябрда 4,5 жылга кесилди. Шаардык сот ага мамлекеттин акчасын мыйзамсыз короткон деген айып такты. Судья Лаша Чхартишвилинин айтымында, Угулава 2009-2010-жылдары Саакашвилинин партиясындагы жүздөгөн активисттерди жумушка мыйзамсыз орноштурган.
Угулава тергөө абагына былтыр камалган. Бирок жакында аны камоо мыйзамсыз болгону аныкталып, бошотулган болчу.
Экс-президент Михаил Саакашвилинин союздашы Угулава шаардык соттун кечээ күнкү чечимин бийликтин куугунтуктоосу деп атап, кийинки инстанцияга доо арыз менен кайрыларын айтты. (RK)
