“Демократия жана жарандык коом үчүн” коалициясы Бишкекте өткөн маалымат жыйынында бийликте турган партиялар шайлоого карата административдик ресурсту пайдаланып жатканын айтты.
Анын айтуусунда, КСДП, “Ата Мекен” партиялары мугалимдерди, студенттерди өз кызыкчылыгына пайдаланууга аракет кылууда. Коалициянын пикиринде БШК мындай аракеттерге кескин чара көрбөй жатат.
“Демократия жана жарандык коом үчүн” коалициясынын 60 байкоочусу өлкө аймагында шайлоо алдындагы үгүт иштерине көзөмөл салууда.
14 партия ат салышкан парламенттик шайлоо 4-октябрда өтөт. (UEz)
