Жогорку Сот жакында ишмердүүлүгүн эски аянттагы Америка университетинин мурдагы имаратында улантат. Бул тууралуу Жогорку Соттун төрайымы Феруза Жамашева бүгүн журналисттерге билдирди. Анын айтуусунда, учурда ал жерде сот жараяндарын өткөрүүгө ылайыктоочу оңдоп-түзөө иштери жүрүүдө.
Жамашеванын маалыматына ылайык, Ош, Жалал-Абад шаардык соттору, Талас, Нарын жана Ысык-Көлдөгү бир катар райондук соттор да жаңы имараттарга жакында көчөт.
Жогорку Соттун төрайымы акырындык менен соттук архив электрондук форматка өтөрүн кошумчалады. (ZKo)
