24-сентябрь – Курман айт күнү 500дөн ашык бодо эти муктаждарга таратылат. Бул тууралуу иш чараны жыл сайын уюштурган “Элим, барсыңбы?” кайрымдуулук фондунун башчысы Хабиб Арзыкулов “Азаттыкка” билдирди.
Анын айтуусунда, союлган эт карылар үйлөрүнө, жетим балдарга, майыптарга жана жардамга муктаж үй-бүлөлөргө таратылат. Бодо малдар демөөрчү ишкерлердин колдоосу менен алынган.
“Элим, барсыңбы?” коомдук кайрымдуулук фонду көптөн бери жергиликтүү ишкерлердин колдоосунда муктаждарга кол сунуп келет. (UEz)
