Линктер

ЧУКУЛ КАБАР!
21-Октябрь, 2021 бейшемби, Бишкек убактысы 12:04

"Кылым шамы": "Патриоттор" тобун бийлик өзү түзгөн деген кооптонуу бар


Өзүн "Патриоттор", "Кырк чоро", "Кыргыз чоролору" деп атап алган топторду мамлекеттик бийлик өзү түзүп алган деген кооптонуу бар. Бул тууралуу "Кылым шамы" укук коргоо борборунун жетекчиси Азиза Абдирасулова 29-сентябрда Польшада адам укуктары боюнча эл аралык жыйында сүйлөп жатып билдирди.

Укук коргоочу 2010-жылдагы июнь окуясынан кийин өлкөдө улутчул мүнөздөгү түрдүү уюмдар түзүлүп, алардын айрымдары чет элдик фирмалардын кеңселеринде, клубдарда суроо-сопкутсуз текшерүү уюштуруп, адамдардын эркиндигин чектеп, кол салып жатканын айтты.

- Эң коркунучтуусу, ар бир ушундай окуядан кийин алар Ички иштер министрлиги менен кызматташуу тууралуу меморандумга кол коюлганын жүйө келтирүүдө. Аталган министрлик муну танбагандыктан, балким, ал уюмдарды мамлекеттик бийлик өзү түзүп алганбы деген кооптонуу бар, - дейт Абдирасулова.

Чет жакта мигрант болуп жүргөн кыздарды жылаңачтап, ур-токмокко алып, видеосун интернетке таратып, өзүн "Патриоттор" деп атап алган топтун бир да мүчөсү азырынча кармала элек. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG