Ош мэри Айтмамат Кадырбаев акыркы эки аптадан бери шаар кыдырып, сегиз айлык отчетун берип жатат. "Азаттыктын" аймактык кабарчысынын маалымдашынча, ал мэр болуп шайланган эки жылга жакын убактан берки аткарылган иштер тууралуу кеңири баян этүүдө. Жетишкендиктер тууралуу 20 мүнөттүк видео роликти ар жолугушууда элге көрсөтүп жатат.
Мэр шаар тургундары жана студенттер менен жолугушууда.
4-октябрда Кыргызстанда парламенттик шайлоо өтөт. Кадырбаев ушул учурда эл кыдырып отчет берүүсү шайлоо менен байланышы жок деп ишендирүүдө.
Айтмамат Кадырбаев 2014-жылдын 15-январында Ош шаарынын мэрлигине шайланган. (YI)
