Борбордук шайлоо комиссиясы добуш бергендер тууралуу алгачкы алдын ала маалыматын саат 12ге чукул таратты. Ага ылайык, азырынча шайлоочулардын 9% добуш берди. Бирок бул саат канчага карата маалымат экени так белгисиз.
Алдыда Нарын облусу менен Бишкек шаары келатат. Бул аймактарда шайлоочулардын 11% добуш берди.
Ош шаары добуш берүү боюнча эң артта. Ал жакта 3% гана шайлоочу келди.
Жалал-Абадда 8%, Баткенде 9%, Чүйдө 10%, Ысык-Көл менен Таласта 9% шайлоочу катышты.
Боршайкомдун сайтында добуш бергендер боюнча алгачкы маалымат саат 10до жарыяланмак. Бирок ушул тапта ал маалымат бош турат. (AzK/EBM)
