Нарын шаарынын борбордук Ленин көчөсүнө видеокамералар орнотулууда. Видеокөзөмөл негизги жол менен кесилишкен төрт көчөгө коюлду. Мындай маалыматты Нарын шаардык мэриясынан кабарлашты.
Бул жергиликтүү бийликтин жол кырсыктарын алдын-алууга болгон аракети. Маалыматка ылайык, видеокөзөмөл орнотулган Раззаков, Тоголок Молдо, Токтосунова жана Жаңы-Жол кесилиштеринде жол кырсыктары көп катталат.
Учурда видеокамералар ишке кире элек, аларды орнотууга жергиликтүү бюджеттен 280 миң сом бөлүнгөн. (TSh)