Расмий Киевдин ырасташынча, жикчилдер Украина чыгышында танктарга каршы снаряддан ок чыгаруу менен элдешүү келишимин кайрадан бузушту. 7-октябрдагы чабуулдан төрт аскер адамы жарадар болгон.
Украина президенти Петр Порошенко мындан мурдараак жикчилдер менен элдешүүгө көп убакыт кетерин билдирген. Ал аскер окуу жайдын алдында сүйлөп жатып «согуш качан гана украиндин бир да тилим жери баскынчыларда калбаганда токтойт» деген.
Украин бийлиги менен жикчилдер ортосунда ок атышпоо келишими февралда жетишилген. Бирок келишим андан бери бир нече ирет бузулган. 2014-жылдын апрелинен берки тирештерден 7900 адамдын өмүрү кыйылды.
