Линктер

ЧУКУЛ КАБАР!
27-Октябрь, 2021 шаршемби, Бишкек убактысы 16:28

Кара-Сууда төрт медресенин иши текшерилди


Бул тууралуу Ош облустук казыятынан кабарлашты. Облус казысы Самидин ажы Атабаев соңку үч күн ичинде Кара-Суу районундагы төрт медреседеги окутуу, билим берүүнүн деңгээли жана окуп жаткан шакирттердин шарттары менен таанышып чыкты. Муну менен катар мекемелердин материалдык-техникалык жабдуулары да текшерилди. Казыяттан кабарлашкандай, медреселерде олуттуу мүчүлүштүктөр табылган жок. Баарына жакшы деген баа берилди.

Облустук казыяттын атайын тобу учурда Ноокат районундагы медреселерди текшерүүдө. Алар андан ары башка райондордогу диний билим берүүчү мекекемелердин абалын көрүп чыгат.

Буга чейин коргоо кеңеши өлкөдөгү диний билим берүүчү жайлардагы окутууну жалпы билим берүүчү сабактарга туура келтирүү тууралуу чечим кабыл алган. Ага ылайык, аталган медреселерде так илимдерди, алгебра, химия жана билогия сыяктуу сабактарды киргизип, ага тийиштүү мугалимдерди тартуу талабы коюлган.

Ош облусунда эки Ислам институту, 11 медресе бар. Анын үчөө кыз-келиндерди окутат. (ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG