Бул тууралуу райондук санитардык-эпидемиологиялык көзөмөлдөө борборунан “Азаттыкка” кабарлашты. Адистер Ноокат шаарындагы, Көк-Жар, Жаңы-Ноокат айылдарындагы базарларды, ашкана, кафелерди, жалпысынан 200дөй соода жайын текшерген. Натыйжада 4 объектте санитардык-гигиеналык норма сакталбаганы аныкталды.
Мындан сырткары дагы 10 чакты тамактануучу жайга эскертүү берилди.
Буга чейин Ош шаарында жана Ноокат районундагы айрым кафелерде тамактан курт-кумурска, айнектин сыныктары жана чач чыккан фактылар катталган. (ErN)
