Линктер

ЧУКУЛ КАБАР!
26-Октябрь, 2021 шейшемби, Бишкек убактысы 03:03

“Республика Ата-Журттун” тизмесине байланыштуу сот болуп жатат


Бишкектеги Биринчи Май райондук сотунда бүгүн “Республика Ата-Журт” партиясынан парламенттик шайлоого катышкан айрым талапкерлердин арызы каралууда. Тизмедеги талаш маселеден улам сегиз киши сотко кайрылышканын “Азаттыкка” алар өздөрү билдиришти.

Аталган партия менен парламентке ат салышып, бирок шайлоо өткөн соң тизмеден алынган онго жакын талапкер 16-октябрда Бишкекте митинг да өткөрүшкөн. Алар тизмеден чыгууга өз колдору менен арыз жазбаганын айтып нааразы болушкан. Партия жетекчилиги алар өз колдору менен арыз жазган деп ишендирүүдө.

“Республика Ата-Журт" партиясы 70ке жакын талапкерин тизмеден чыгарган.

Үгүт өнөктүгү башталарда аталган партиянын талапкерлери жетишерлик добуш албаса, тизмеден чыгарын айтып ант ичишкен.

“Республика Ата-Журтка” Жогорку Кеңеште 28 мандат тийген. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG