17-октябрда АКШнын вице-президенти Жо Байденге Грек православ чиркөөсүнүн адам укугу боюнча Афинагор атындагы сыйлыгы ыйгарылды. Нью-Йорк шаарында өткөн салтанаттуу аземде сөз сүйлөгөн Байден диний эркиндикти коргоо менен экстремисттик зомбулукту алдын алса болорун айтты.
Байдендин айтымында, “ал-Каида”, “Ислам мамлекети” өңдүү радикал топтор исламдын атын каралап жатат. “АКШ адам укугун коргоо жаатында болгон күч аракетин жумшайт”, - деди Байден.