Бул тууралуу БШК мүчөсү Жаркын Бапанова билдирди. Маалыматка караганда, жыйында айрым талапкерлердин арызы каралышы күтүлүүдө. Белгилүү болгондой, “Республика Ата Журттун” тизмесинен чыгарылып, БШК тарабынан мандат алуу укугунан ажыратылган сегиз талапкер Биринчи Май райондук сотуна кайрылган. Сот алардын талабын канааттандырган эмес.
Борбордук шайлоо комиссиясы арыздар каралып бүткөндөн кийин шайланган талапкерлерге мандат берилерин кабарлаган. (AiT)
