Чүйдөгү №50 абактан качып чыккан кылмышкерлердин колунан ажал тапкан офицерлердин жакындары бийликтен окуяны ачык иликтөөнү талап кылат. Бүгүн Бишкекте алар маалымат жыйын куруп ушул маселени көтөрүшөт.
Быйыл 22-октябрда №50 тергөө абагында камакта отурган тогуз киши ал жерде иштеген үч кызматкерди өлтүрүп, бирөөнү чалажан абалга жеткирип качып кетишкен. Кийинчерээк жарадар болгон кызматкер ооруканада каза тапкан.
Качып кеткендердин баары кармалып, алтоо каза болду. Үчөө камакка алынган. (SE)
