Бишкек Үрүмчү шаарынан белекке 10 автобус алды. Бул тууралуу борбор калаанын мэриясынын кабарлашты.
Жума күнү Үрүмчү жана Чанцзи шаарларынын партиялык комитеттеринин жетекчилери жана бизнесмендери Бишкекке иш сапарга келген. Мэр Кубанычбек Кулматов менен жолугушууда эки тараптуу кызматташтыкты бекемдөө жолдору талкууланды.
Кытай делегациясы ошондой эле Кыргызстандын Соода-өнөр жай палатасынын жетекчилиги менен жолукту. (RK)
