Кыргызстандын вице-премьер-министринин милдетин аткаруучу Абдырахман Маматалиевдин маалымдоосуна караганда, 5-ноябрда Бишкекке Тажикстандын вице-премьер-министри Ибрагим Азимов баштаган делегация келет.
Эки мамлекеттин өкүлдөрү кыргыз-тажик чек арасын аныктоо боюнча сүйлөшүү өткөрөт. Кыргыз тарап чек араны эски карталардын негизинде эмес, республикалардын ээлеп турган жерине жараша аныктоону сунуштаган. Тажик тараптан ал колдоо тапкан. 5-ноябрда бул маселе сүйлөшүүнүн күн тартибине дагы коюлат. (AiT)
