3-ноябрда АКШнын мамлекеттик катчысы Дүйшөмбү шаарында тажик президенти Эмомали Рахмон менен сүйлөшүү жүргүздү. Мамкатчы Кошмо Штаттар чөлкөм коопсуздугун сактоого кызыкдар бойдон каларын билдирди.
Жон Керри Вашингтон Тажикстан жана башка мамлекеттер менен чек арада коопсуздукту бекемдөө багытында иштөөгө даярдыгын билдирди.
Ошол эле күнү кечирээк АКШнын мамлекеттик катчысы Ашхабадда түркмөн президенти Гурбангулы Бердымухамедов менен жолугушту.
2-ноябрда Астанада казак президенти Нурсултан Назарбаевди диний экстремизмге каршы күрөштөгү лидерлиги үчүн мактап, бирок терроризмге каршы күрөш демократия жана өзгөчө пикирди тумчуктурбаш керектигин эскертти. (AiT)
