Айыпталуучулардын бири, мурдагы депутат Хажимурат Коркмазовдун ооруп калганына байланыштуу соттук отурум 10-ноябрга жылдырылды. Бул тууралуу “Азаттыкка” Коркмазовдун авдокаты Кайрат Загибаев кабарлады.
Президенттик аппараттын мурдагы жетекчиси Данияр Нарымбаев жана мурдагы депутат Хажимурат Коркмазов абактагы Нариман Түлеевдин мүлкүн камактан чыгаруу үчүн анын кызы Назгүл Түлеевадан пара алуу фактысы боюнча быйыл июль айында камакка алынган.
Ишти Бишкек шаарынын Биринчи Май райондук соту кароодо. Бүгүн тараптар жарыш сөзгө чыкмак. (КЕ)
