Фейсбук социалдык тармагын бир күндө ачкан адамдардын саны 2015-жылдын сентябрь айындагы отчет боюнча 1 миллиарддан ашты. Бул былтыркы жылга салыштырмалуу 17 % жогору. 2014-жылы Фейсбукка бир суткада 894 миллион колдонуучу кирип турган. Быйыл социалдык тармакты уюлдук телефондон ачкандар көбөйдү.
Мындан тышкары аталган социалдык тармакка жүктөлгөн видео файлдарды көрүүнүн саны 8 миллиардга чыккан.
Компанияда айланган жалпы акчанын суммасы 4,5 млрд. доллар болуп, былтыркыдан 40 % жогору. Таза киреше 1,5 млрд. доллар болду. Фейсбуктун 1 акциясынын баасы азыр 100 доллардан жогору бааланууда.
