Багдаддын соту Ирактын мурдагы экология министри Саргон Лазар Слеваны 2 жыл абак жана 250 миң айып пул төлөө жазасына тартты. Слевага коррупция беренеси менен иш козголгон.
Ага карата айыптоолордун чоо жайы так айтыла элек. Слева 2014-жылы мөөнөтү аяктаган мурдагы өкмөт башчысы Нури аль-Маликинин тушунда иштеген христиан дининдеги министр эле.
Ирактын азыркы өкмөт башчысы Хайдар аль Абади ушул жылдын август айында өлкөдө коррупцияга каршы массалык акциялар болгондон бери жемкорлук менен күрөштү баштаган.
