Бул тууралу оппозициялык “Бир бол” фракциясынын мүчөсү Акылбек Жапаров билдирди. Анын айтуусунда, оппозициядагы “Бир бол” жана “Республика Ата Журт” фракциялары ар бири өз алдынча оппозициялык ишмердүүлүк жүргүзүүнү чечишти.
Конституциянын талабына ылайык оппозициялык фракцияларга эки комитет берилет. Алар бюджет жана финансы комитети жана укук тартибине байланыштуу комитет. Оппозициялык фракциялар өкүлүнөн ошондой эле төраганын бир орун басары шайланат. (AiT)
