Ысык-Көлдүн Тоң районунда жекшемби түнү болгон катуу шамал 54 миң сом чыгым алып келди. Бул тууралуу бүгүн Өзгөчө кырдаалдар министрлигинен кабарлашты.
Көл-Төр айыл аймагындагы Көл-Төр жана Тогуз-Булак айылдарында бир саат бою ылдамдыгы секундасына 28-32 метрге чейин жеткен катуу шамал болгон. Анын кесепетинен 4 турак жайдын, бир мектептин жана Маданият үйүнүн чатыры жабыркаган.
Окуя болгон жерде райондук жарандык коргонуу комиссиясы тактоо иштерин жүргүздү. (RK)
