Линктер

ЧУКУЛ КАБАР!
22-Октябрь, 2021 жума, Бишкек убактысы 02:12

Жалал-Абад шаарынын атын өзгөртүү сунушталууда


Жалал-Абад шаарынын кире беришиндеги Курманбек баатырдын эстелиги

Жалал-Абад облусунун жана шаарынын атын өзгөртүүнү демилгелеп жаткан коомдук уюмдар менен ишмерлер президент баштаган бийлик өкүлдөрүнө кайрылуу жолдошту. Демилгечилердин бири, “Бозбу-Ата” коомдук кайрымдуулук фондунун төрагасы Кеңешбек Тургунбаев билдиргендей, шаар белгисиз Жалал аттуу адамдын ысымын алып жүрөт.

- Жер-суунун аталышы өзүнүн улуу инсандары жана баалуулуктары менен аталышы керек. Тарыхты келечек муунга калтыруу үчүн Курманбек баатырдын ысымын шаарга ыйгарууну туура деп эсептейбиз. Ал эми облусту Көк-Арт деп атаган туура, – дейт Тургунбаев.

Уламышта Жалал аттуу жигит ооруп, аймактагы Азирет-Аюп булагынан шыпаа тапканы жазылган. Андан бери “Жалалдын абады” деп айтылып, 1877-жылы Түркстан округунун генерал-губернатору Скоблевдин буйругу менен Жалал-Абад шаар статусун алган.

Мурдараак башка демилгечилер Жалал-Абад шаарын Мырзакул болуш деп атоону сунуштаган эле.

2006-жылы Сузак районунун атын өзгөртүп, Курманбек деп атоо сунушталган. Бирок ал ишке ашкан эмес.(RsK)

Пикирлерди көрүңүз (24)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG