Линктер

шаршемби, 20-сентябрь, 2017 Бишкек убактысы 21:06

Президент Алмазбек Атамбаев бүгүн Коргоо кеңешинин катчысы Темир Жумакадыровду кабыл алып, дүйнөдө болуп жаткан соңку окуялардан улам Кыргызстанда коопсуздук чараларын күчөтүүнү тапшырды. Мамлекет башчынын басма сөз кызматы билдиргендей, Атамбаев стратегиялык маанидеги объектилерди көзөмөлгө алууга тереңирээк көңүл бурууга чакырып, экстремисттик топтор менен байланышкандарга каршы чараларды күчөтүү зарылдыгын белгиледи.

-Мамлекет өлкөнүн жана Кыргызстандын жарандарынын коопсуздугун камсыз кылууга милдеттүү жана камсыз кылат, - деди Атамбаев.

Бүгүн Жогорку Кеңеш депутаттары да өкмөткө тез арада мектептерде, ооруканаларда жана башка мекеме-ишканаларда коопсуздук чараларын күчөтүп, экстремисттердин иш-аракетин тизгиндөө жаатында бачым аракеттерди көрүүнү сунуштады. Спикер Асылбек Жээнбеков экстремисттик кадамдарды жайгаруу боюнча каражат маселесин тез арада чечүү үчүн өкмөт менен иш алып барууга парламент даяр экенин айткан.

Жакында Орусия учагынын террористтер тарабынан жардырылышы жана Париждеги теракттарга байланыштуу көп өлкөлөрдө коопсуздук чаралары күчөтүлүүдө. (SE)

Сиздин пикир

пикирлерди көрсөт

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

Сунуш кылынган арга.

XS
SM
MD
LG