Атайын операция Орусияда тыюу салынган “Ислам мамлекетине” баш ийүүгө ант берген жоочуларга каршы Нальчик шаарында жүргүзүлдү. Өлтүрүлгөндөрдүн арасында “Ислам мамлекетинин” жергиликтүү бөлүмүнүн башчысы Юрий Бицуев да бар. Бул топ Сирияга адамдарды жөнөтүү үстүндө да иштеген. Алардан курал-жарак, ок-дарылар алынган. Жоочулардын жер төлөсүнөн жардыруучу түзүлүштөрдү жасоочу устакана да табылган.
Операция учурунда жайкын калк жана полиция тарабынан жабыркагандар болбогонун Орусиянын антитеррордук комитети 22-ноябрда кабарлады. (AiT)
