Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 23:30

Орусияда кул болуп жүргөн кыргызстандыктар куткарылды


Кыргызстандыктар жашаган жер.

Кыргызстандын Москвадагы элчилигинен кабарлашкандай, Владимир облусунун Ковров шаарында кулдукта жүргөн Кыргызстандын 17 жараны куткарылды. Маалыматка караганда, өзүн Чыныгүл деп тааныштырган аял Кыргызстандан 14 кишиден турган топту айына 80-90 миң рубль айлык төлөйт, деп убада берип Москвага, андан ары Ковров шаарына жол киресин төлөп алып кеткен.

Кыргызстандын жана Орусиянын Ички иштер жана Өзгөчө кырдаалдар министрликтеринин өкүлдөрү 20 - 21-ноябрь күндөрү алдын-ала түшкөн маалыматтын чын-төгүнүн аныктоо үчүн аталган шаарга барышкан. Натыйжада тигүү фабрикасында иштегендер эшиги катуу бекитилген имаратта иштеп жатканы аныкталган.

Атайын аракеттин негизинде Кыргызстандын 17 жараны кулчулуктан куткарылды. Алардын сегизи Чыныгүл деген аял алып кеткен топтун катарында болгону аныкталды.

Тергөөдө кыргызстандыктардын паспортторун администратор алып алганы, жасалма келишим түзүлгөнү, айына 7-8 миң рубль айлык төлөгөнү белгилүү болгон. Мигранттар ным, караңгы жерде иштеп, жашап келишкен. Алардын бардыгына паспорттору кайтарылып берилди. Тергөө-иликтөө иштери жүрүүдө. (КЕ)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG