Өкмөттүн Нарын облусундагы өкүлчүлүгүнүн аппаратында иштеген кызматкерлер бир күндүк маянасын Ош облусундагы жер титирөөдөн жабыркагандарга которушмай болушту. Бул тууралуу "Азаттыкка" өкүлчүлүктүн маалымат катчысы Айнура Дүйшөк кызы билдирди.
Маалыматка ылайык, аталган мекемеде 34 адам иштейт жана алардын чогулткан акчасы 40 миң сомдон ашат. Ошондой эле өкүлчүлүктүн атынан тамак-аш жана кийим-кечеден турган гуманитардык жардам дубан башчынын биринчи орун басары Касен Азизов Ошко жеткирип берeри күтүлүүдө.(MiK)
