Кыргызстандын Орусиядагы элчилигинен “Азаттыкка” билдиришкендей, аталган фестивалга кыргыз режиссеру Чыңгыз Нарыновдун “Металл нан” аттуу тасмасы катышып жатат.Тасма алгачкы ирет 13-декабрь күнү Москва шаарындагы "Формула кино - горизонт" кинотеатрынын чоң залында көрсөтүлөт.
8-16-декабрь күндөрү боло турган ири орусиялык даректүү тасмалар фестивалында көрөрмандарга 145 автордук фильм сунушталат. Фестивалдын ачылышы Москва жана Санкт-Петербург шаарында уюштурулат. Анда АКШ, Франция, Эстония, Австрия, Швейцария жана Орусиянын режиссерлорунун эмгектери көрсөтүлөт. (AzK)
