Мамлекеттик SOCAR компаниясынын “Гүнешли” мунай кениндеги өрттүн кесепетинен улам 10-платформада жоголгон 29 адамдын алтоонун жасаты табылды. Бул тууралуу “Азнефть” мамлекеттик өнөр жай биримдигинен кабарлашты. Каза болгон мунайчылардын кимдиги тууралуу маалыматтар азырынча тактала электиги айтылган. Ошол эле учурда Өзгөчө кырдаалдар министрлигинин билдирүүсү боюнча кырсык болгон жерден 65-70 чакырым аралыктагы платформадан куткаруучулар алты адамдын жасатын табышканы жарыяланган. Мунайчылардын табылган жасаты жээкке алып чыгып, тиешелүү органдарга текшерүүгө өткөрүлүп берилген. (KJ)
