Бул тууралуу 14-декабрда БШКнын мүчөсү Рашид Бекбасаров билдирди. Анын айтымына караганда, эми Жыргалбек Саматовдун "Республика Ата-Журт" фракциясында депутаттык милдетин аткарууга киришүүсүнө жол ачылды. БШКа дагы бир чечими менен "Республика Ата-Журт" фракциясынын мүчөсү Болотбек Ибраимжановду депутаттык мандаттан ажыратты. Жыргалбек Саматов Орусиянын жарандыгы бар деген себеп менен "Республика Ата-Журттун" талапкерлеринин тизмесинен чыгарылган эле. Саматов БШКнын бул чечимин сотко берип, Жогорку Сот анын пайдасына чечим чыгарган. (AiT)
