Линктер

бейшемби, 21-сентябрь, 2017 Бишкек убактысы 07:45

Серб режиминин эки чиновнигин актоо өкүмү жокко чыкты


БУУнун Гаагадагы аскер трибуналы Серб режиминин мурдагы эки жогорку даражалуу аткаминеринин ишин кайра кароону милдеттендирди. Слободан Милошевичтин колунда иштеген бул эки жетекчи 90-жылдардагы Балкан согушундагы аскердик кылмыштарга айыпталып, бирок кийин акталышкан.

15-декабрда эл аралык кылмыш трибуналында төрагалык кылган судья Фауста Покар Йовицы Станишич жана Франки Симатовичке чыгарылган актоо өкүмүн бузду.

Станишич жана анын орун басары Симатович 1998-жылы кызматтан кеткенге чейин Сербиянын мамлекеттик коопсуздук кызматын башкарышкан. Прокурорлор алар жетектеген атайын кызмат 1992-95-жылдары куралданган топторду түзүп, бир катар кылмыштарды жасаганы боюнча далилдерди таап чыгышкан. Аларга Боснияда, Хорватияда жана Герцеговинада этникалык тазалоо жүргүзүүгө катышканы боюнча айып коюлууда.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG