Линктер

ЧУКУЛ КАБАР!
16-Октябрь, 2021 ишемби, Бишкек убактысы 14:46

Мадумаров: "Бүтүн Кыргызстан" “Эмгек” партиясынан бөлүндү


Адахан Мадумаров

“Бүтүн Кыргызстан” менен “Эмгек” саясий партиялары ажырашты. Бул тууралуу “Бүтүн Кыргызстан” партиясынын лидери Адахан Мадумаров “Азаттыкка” билдирди. Анын айтымында, 15-декабрда аталган партиялардын саясий кеңеши чогулуп, жергиликтүү шайлоого өз бетинче катышуу тууралуу чечим кабыл алышкан.

- Биздин жаштар жаңы жылдан кийин жергиликтүү шайлоого өз алдынча катышалы деп сунуш киргизди. Саясий кеңеште буга макул болдук. Бирок “Бүтүн Кыргызстан” менен “Эмгектин” максаты, идеясы мурдагыдай эле бир, болгону жолдору гана башка болот, - деди Мадумаров.

Адахан Мадумаров 2020-жылдагы парламенттик шайлоого эки партия өз алдынча же чогуу катышары чечиле электигин кошумчалады.

“Бүтүн Кыргызстан” менен “Эмгек” партиялары 2015-жылдын 21-майында бириккен. Алар 4-октябрда өткөн шайлоодо жети пайыздык тосмону аша албай калган. “Эмгек” партиясын ишкер жана саясатчы Аскар Салымбеков жетектейт. (UEz)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG