Чүй облусундагы Тогуз-Булак эс алуу базасында жекшемби күнү жарык өчүп, асма жолдо жүргөндөр төрт метр бийиктикте эки сааттай турушкан. Аларды коопсуздук кызматкерлери колдо түшүрүшкөнү тартылган видео интернетке тарагандан соң, социалдык тармактардын колдонуучулары эс алуу жайдын жетекчилигин жоопкерчиликке тартууну сунуштап чыгышты.
Окуя 20-декабрда түштөн кийин болгон. Эс алуу базасынын тийиштүү адистери кошумча генератор иштебей калганын, асма жолдогу кишилер коопсуз абалда түшүрүлгөнүн белгилешүүдө. (SE)
