Бул тууралуу Жыргалбек Саматов 21-декабрда “Азаттыкка” билдирди. Анын айтуусунда, Борбордук шайлоо комиссиясынын аны депутаттык мандаттан ажыратуу тууралуу чечимин жокко чыгаруу арызы Биринчи Май райондук сотуна берилди:
-Борбордук шайлоо комиссиясынын чечимин сотко бердик. Кудай буйруса, мына ушул иштер соңуна чыккандан кийин айта турган жүйөлөрүм, маселелерим бар. Алардын баарын сөзсүз айтам.
Борбордук шайлоо комиссиясы Жыргалбек Саматов Орусиянын жараны болушу мүмкүн деген шек менен депутаттык мандаттан ажыраткан. (AiT)
