24-декабрдын түнүндө Кара-Көл шаарында милициянын көзөмөл бекетинде Хонда Одиссей үлгүсүндөгү унааны токтотуп, текшерүү учурунда Сирияга барып келе жаткан Ноокат районунун 20 жаштагы жана Сузактын 27 жаштагы тургундары кармалды.
Бул тууралуу "Азаттыкка" облустук ИИБнын басма сөз кызматы билдирди.
Маалыматка караганда, Сириядан келе жаткандар тууралуу ыкчам кабар Жалал-Абад шаарында 24-декабрда кармалган куралчан топтон алынган.
Бул күнү Жалал-Абад облустук ички иштер башкармалыгы террорчулук уюштурмак болгон деп шектеп, шаардан 3 куралчан кишини колго түшүргөн болчу.
Учурда тергөө иштери жүрүүдө. (RsK)
