Линктер

ЧУКУЛ КАБАР!
17-Июнь, 2021 бейшемби, Бишкек убактысы 22:59

Юлдуз Усманованын Каримовго атаган ыры сынга кабылды


Юлдуз Усманова

Өзбекстандык белгилүү эстрада жылдызы, 52 жаштагы Юлдуз Усманова 22-декабрда Ташкендеги «Навруз» ресторанындагы майрамдык кечеде президентке арнап чыгарган ырын аткарып, Каримовду падышага теңеди.

-Мен ырды биздин падышага, элибизди канча жылдан бери башкарып келген жана өлкөбүздө тынчтыкты жана ынтымакты сактап турган атабызга арнадым. Мен ага миң мертебе ыраазымын, - дейт Усманова.

Анын чыгармасы президенттин кичи мекени - Самарканд шаарын даңазалоодон башталып, Каримовду "Амир Темирдин мураскери" деп атаган.

500 кишиден турган сыйлуу коноктордун арасында көптөгөн дипломаттар, анын ичинде Түркиянын Өзбекстандагы элчиси Намик Гюнер Эрпул да отурду.

Ал арада аталган ыр социалдык тармактарда сынга кабылып, кошоматчылык деп сыпатталууда.

Усманова 2012-жылы Каримовдун тун кызы Гүлнара Каримовага арнап да "Гүлисан" деген ыр жазган.

Юлдуз Усманова 2008-жылдан бери бейрасмий тыюунун негизинде чоң сахналарда ырдай албайт. Анын клиптери жана ырлары телерадиодон берилбейт. (SE/AKu)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG