Жогорку Соттун мурдагы төрагасы Зулумбек Жамашев дүйнөдөн кайтты. Бул тууралуу аталган мекеменин басма сөз кызматы кабарлады. Маркум 1924-жылы Жалал-Абаддын Сузак районундагы Кара-Көл айылында төрөлгөн. Бир катар райондук, облустук соттордо иштеп, 1967-жылы Жогорку Соттун төрагалыгына шайланган. 1974-жылы кайра бул кызматка шайланып, 15 жылдай төрага болгон.
Анын жолун кызы Феруза Жамашева улап, ал да Жогорку Соттун төрайымы даражасына чейин көтөрүлгөн. (SE)
